A boarische Weihnacht
A boarische Weihnacht, in einem boarischen „Liedermacher“-Lied aufgelistet mit vielen Erinnerungen, schönen Bildern , aber auch Klischees
Liedtext
A boarische Weihnacht, so wia mas vo friaha kennt,
ham mia damals, ois mia Kinder warn, no erlebt.
Ja so vui Herz – a Gfui wenns Kerzerl brennt,
des ham mia gspürt, dass über uns a bsonderer Zauber schwebt.
Und wenn dahoam de Stubn war bsonders gschmackvoll gricht
mit Kugeln, Sternderl, Kranz und echtem Kerzenlicht –
da Schnee hat knirscht, wenn ma do is durchegstapft –
draußen wars koit und der Atem der hat dampft – so wars amoi
A boarisch Liad – des teil i und sing i mit dir,
ja von der Weihnachtszeit, so wies früher war, bei dir und mir
In aller Friah ladt Stubnmusik zum Rorate ein.
Am Wochenende dann san Weihnachtsfeiern bei fast jedem Verein.
Und in de Rauhnächt verbrennt ma Kummer und Sorgn –
der Räucherduft bleibt im Zimmer bis zum Morgn.
Der Barbarazweig erblüht und macht uns froh
und am Adventskranz zündt ma Kerzen o
A Krippal mim Jesuskind im Stoi mit Ochs und Kuah
führt uns schee langsam aufs Christkindl zua – aufs Christkindl zua
A boarisch Gfui – des teil i und sing i mit dir
ja von der Weihnachtszeit, so wies früher war, bei dir und mir
Wos warn mia glücklich – zumindest kimmts uns heit so vor
wenns nach Vanille, Zimt und Punsch und Orangen duftet hot
Mia ham scho gwart auf Platzerl Lebkuacha oder Stoin
Und es san is gsunga worn de schönsten Liader und allen hot des gfoin
Der Baum war festlich gschmückt mit Kugeln und Lametta.
Unsre Wünsche warn bescheiden, doch zufrieden war a jeder
ham gwart auf Glockn, weil Zeit zur Mettn war,
und ham uns selig gfühlt bei der Stillen Nacht wie jedes Jahr
A boarisch Liad, a boarisch Gfui
Und mehr brauch i ned für a echtes Weihnachtsgfühl, a boarisch Gfui
A boarisch Liad, a boarisch Gfui
Und mehr brauch i ned für a echtes Weihnachtsgfühl, a boarisch Gfui – a boarisch Gfui – a boarisch Gfui